Qafqaz News Manset.az-a istinadən xəbər verir ki, İrandan Azərbaycana Pilotsuz Uçuş Aparatı (PUA) vasitəsilə narkotik keçidinin qarşısı alınıb. Dövlət Sərhəd Xidmətinin (DSX) verdiyi məlumata görə, Horadiz və Göytəpə sərhəd dəstələrinin xidməti ərazilərində ümumilikdə 22 kiloqram 900 qram narkotik vasitənin ölkəyə keçməsi dayandırılıb. Əməliyyatlar çərçivəsində hava məkanına qanunsuz daxil olan PUA-lar aşkarlanıb və zərərsizləşdirilib. Hadisə yerlərinə baxış zamanı Horadiz sərhəd dəstəsinin xidmət ərazisində 15 kiloqram 400 qram, Göytəpə sərhəd dəstəsinin xidmət ərazisində isə 7 kiloqram 500 qram narkotik götürülüb. Faktlarla bağlı əməliyyat-istintaq tədbirləri davam etdirilir.