QafqazNews Yenisabah.az-a istinadən xəbər verir ki, İsrail 2028-ci ildən sonra ABŞ-dan sifariş etdiyi silahlar üçün əlavə 10 milyard dollar ödəməli ola bilər. Bu maliyyə məsələsi Prezident Donald Trampın İsrailə hərbi dəstəyi dayandırmaq planını çətinləşdirir.
Vaşinqton növbəti iki il ərzində İsrail üçün təxminən 7 milyard dollarlıq hərbi öhdəlik götürüb. Ancaq 2028-ci ildən sonrakı əlavə məsrəflərin kimin hesabına ödənəcəyi hələ müəyyənləşməyib.
İsrailin Baş naziri Benyamin Netanyahu ABŞ-dən birbaşa hərbi yardımın qarşıdakı 10 il ərzində mərhələli şəkildə dayandırılmasını təklif edib. Müzakirə olunan alternativlərdən biri iki ölkənin birgə müdafiə istehsalını artırmasıdır.
Bununla yanaşı, mövcud silah sifarişləri və maliyyə öhdəlikləri ABŞ-nin yardımı birdən-birə kəsməsini real göstərmir. Sifarişlərin maliyyələşdirilməsi, o cümlədən gələcəkdə təhvil verilməsi planlaşdırılan döyüş təyyarələrinin ödənişi məsələsi açıq qalır.
