QafqazNews Manset.az-a istinadən xəbər verir ki, Türkiyənin Daxili İşlər Nazirliyi 8 Noyabr – Zəfər Günü münasibətilə Azərbaycanı təbrik edib.
Nazirliyin “X” sosial şəbəkə hesabında yayımlanan müraciətdə Qarabağın azad olunması ilə tarixə düşən Zəfərin Azərbaycanın əzmini, cəsarətini və vətən sevgisini ifadə etdiyi bildirilib.
“Zəfərin mübarək olsun, can Azərbaycan! Qarabağın azadlığına qovuşması ilə tarixə yazılan böyük Zəfər, qardaş Azərbaycanın əzminin, cəsarətinin və vətən sevgisinin rəmzidir.
Bu tarixi Zəfərin 6-cı ildönümündə, vətən torpaqları uğrunda can verən əziz şəhidlərimizi rəhmətlə, qəhrəman qazilərimizi minnətdarlıqla yad edirik. Türkiyə və Azərbaycanın sarsılmaz qardaşlığı əbədi var olsun. 8 Noyabr Zəfər Günü mübarək olsun!” – paylaşımda qeyd olunub.
