QafqazNews Demokrat.az-a istinadən xəbər verir ki, astroloq Christine Schoenwald səhvləri sevməyən və onları şəxsi məğlubiyyət kimi qəbul edən üç bürcün adını açıqlayıb.
Astroloji şərhlərdə Qız, Oğlaq və Şir bürcləri qeyd olunur. Bu bürclərin nümayəndələrinin özlərinə qarşı tələbkar olduqları, gördükləri işlərdə mükəmməl nəticə əldə etməyə çalışdıqları bildirilir.
Qız bürcü
Merkurinin təsiri altında olan Qızlar mükəmməlliyə meyillilikləri ilə tanınır. Onlar öz davranışlarını ciddi şəkildə qiymətləndirir və yüksək meyarlara cavab verməyə çalışırlar.
İşləri qaydasında saxlamaq üçün Qızlar özlərinə uyğun sistem yaradırlar. Səhv etdikdə isə bunu bacarıqsızlıq kimi qəbul edə bilirlər. Kiçik yanlışlıq belə onların özünəinamına təsir göstərə bilər.
Oğlaq bürcü
Saturnun idarə etdiyi Oğlaqlar zəhmətkeşlikləri və məsuliyyət hissləri ilə seçilirlər. İşlə bağlı məsələlərdə addımlarını qabaqcadan planlaşdırdıqları üçün səhv etməyi istəmirlər.
Onları uğursuzluğun karyeraya zərər vurması, irəliləmək və əlavə məsuliyyət qazanmaq şansını azaltması narahat edir. Bu səbəbdən hər işi ilk cəhddə qüsursuz görməyə çalışırlar.
Şir bürcü
Günəşin idarə etdiyi Şirlər üçün uğur və ətrafdakıların rəğbəti önəmlidir. Başqalarının onlara hörmət bəsləməsi bu bürcün nümayəndələri üçün xüsusi əhəmiyyət daşıyır.
Şirlər səhvin nüfuzlarına zərbə vuracağından ehtiyatlana bilərlər. Yanlışlıq etdikdə həm özlərini, həm də yaxın çevrələrini məyus etdiklərini düşünürlər. Buna görə də uğursuzluq riski gördükləri vəziyyətlərdən yayınmağa çalışırlar.
