QafqazNews Manset.az-a istinadən xəbər verir ki, Azərbaycan Qiymətləndiricilər Palatası 2026-cı ilin oktyabrında daşınmaz əmlak bazarının göstəricilərini açıqlayıb. Məlumata əsasən, ay ərzində torpaq sahələrinin qiyməti yüksəlib.
Palatanın indeksində torpağın bir sotunun median təklif qiyməti 16 250 manat göstərilib. Bu göstərici sentyabr ayı ilə müqayisədə 2,2 faiz, 2026-cı ilin aprel ayına nisbətən isə 21,9 faiz çoxdur.
AQP bildirir ki, torpaq sahəsinin qiymətinə onun yerləşdiyi yer, təyinatı, kommunal və nəqliyyat imkanları, sahəsi, eləcə də sənədlərinin vəziyyəti təsir göstərir. Buna görə bazar üzrə ümumi bahalaşmanı bütün torpaq sahələrinə eyni şəkildə şamil etmək mümkün deyil.
