QafqazNews Manset.az-a istinadən xəbər verir ki, ABŞ-da aparılmış tədqiqat 65 yaş və daha yuxarı insanlarda tez-tez baş verən, istənilmədən və qısa müddət davam edən gündüz mürgüləmələrinin demans və yaddaş çətinlikləri riskinin yüksəlməsi ilə əlaqəli olduğunu göstərib.
Günün sonrakı saatlarında divanda mürgüləmək xoş vərdiş sayıla bilər. Ancaq araşdırma nəticələri gündüz yuxusunun tez-tez təkrarlanmasının idrak sağlamlığındakı pisləşmənin mümkün işarəsi olduğunu göstərir.
Tədqiqatda tez-tez gündüz yatan yaşlıların qarşıdakı illərdə demansla üzləşmə ehtimalının nadir hallarda yatan və ya heç yatmayan şəxslərdən yüksək olduğu müəyyən edilib.
“The Journals of Gerontology: Series A” nəşrində yayımlanan araşdırma gündüz yuxusunun idrak qabiliyyətinin azalmasına birbaşa səbəb olduğunu təsdiqləmir. Bununla belə, nəticələr bu vərdişin demansla əlaqəsi baxımından daha ətraflı araşdırılmasının vacibliyinə diqqət çəkir.
Con Hopkins Universitetində çalışan psixoloq və yuxu üzrə tədqiqatçıya görə, gün ərzində tez-tez mürgüləmək demansa yol açan beyin dəyişikliklərinin səbəbi deyil, onların erkən əlaməti ola bilər.
