QafqazNews Demokrat.az-a istinadən xəbər verir ki, istifadə edilmiş plastik butulkalar evdə və bağ işlərində müxtəlif məqsədlərlə yararlı əşyalara çevrilə bilər. Bunun üçün qayçı və bir qədər yaradıcılıq kifayətdir.
Belə qablardan bitkiləri sulamaq üçün vasitə, dibçək, toxum əkməyə kiçik konteyner, bağ alətlərini saxlamaq üçün qab və başqa məişət ləvazimatları düzəltmək olar.
Butulkanın yuxarı hissəsi kəsildikdə o, kiçik dibçək kimi istifadə edilə bilər. Altına açılan bir neçə dəlik artıq suyun axmasına şərait yaradır. Gövdəni uyğun şəkildə kəsərək bitkilərin suvarılması üçün də qab hazırlamaq mümkündür.
İri plastik qablar isə bağ alətlərinin və xırda əşyaların saxlanmasına yarayır. Bu üsul tullantıların azalmasına, eyni zamanda əlavə xərc çəkmədən faydalı əşyalar əldə etməyə imkan verir.
