QafqazNews Haber Global-a istinadən xəbər verir ki, 1990-cı illərdən sonra işğal altında qalan Qarabağ və ətraf rayonların azad edilməsi ilə bağlı 6 il ötür.
Sovetlər Birliyinin dağılmasından sonra təxminən 30 il ərzində Azərbaycan ərazilərinə qarşı hücumlarda iştirak etmiş Ermənistanın 27 sentyabr 2020-ci ildə sərhəd kəndlərini ağır silahlarla vurması müharibənin başlanmasına səbəb oldu. Eyni gün Azərbaycan Prezidenti İlham Əliyevin əmri ilə ordumuz əks-hərəkata başladı.
“Vətən Müharibəsi” adlandırılan əməliyyatlar 44 gün davam etdi. Bu müddətdə 5 şəhər, 4 qəsəbə və 286 kənd işğaldan azad edildi. Rəsmi məlumatlara görə, münaqişə zamanı Azərbaycan ordusundan 2 908 hərbçi şəhid oldu, 94 mülki şəxs Ermənistanın hücumları nəticəsində həyatını itirdi.
8 noyabr 2020-ci ildə Şuşanın azad edilməsi Ermənistan üçün dönüş nöqtəsi oldu və 10 noyabr 2020-ci ildə Azərbaycan, Ermənistan və Rusiya arasında üçtərəfli bəyanat imzalandı. Bəyanata əsasən Ermənistan ordusu Ağdam, Kəlbəcər və Laçın rayonlarından çıxarıldı.
10 noyabr qədim tarixdə digər vacib bir hadisənin - Mustafa Kamal Atatürkün vəfatının günü ilə üst-üstə düşdüyü üçün rəsmi “Zəfər Günü” 8 noyabr, Şuşanın azad edildiyi gün kimi qəbul edildi.
