QafqazNews Kommersant-a istinadən xəbər verir ki, Türkiyə parlamenti Pakistan və Səudiyyə Ərəbistanı ilə müdafiə sazişini ratifikasiya edib.
Məkkə sazişi kimi tanınan bu müdafiə paktı kollektiv cavab prinsipini təsbit edir: üç ölkədən hər hansı birinə silahlı hücum digər iştirakçı ölkələrə qarşı hücum kimi qiymətləndiriləcək.
Sazişin ratifikasiyası həmçinin Türkiyə hərbçilərinin Səudiyyə Ərəbistanında yerləşdirilməsinə imkan yaradır, məlumatda vurğulanır.
4 noyabrda Türkiyə parlamenti Səudiyyə Ərəbistanı ilə hərbi əməkdaşlıq sazişini imzalayıb; Suriya isə Məkkə paketinə qoşulmağa çalışır.
Üçtərəfli birgə müdafiə sazişi 7 avqustda Məkkədə Türkiyə, Pakistan və Səudiyyə Ərəbistanının rəhbərləri tərəfindən imzalanmışdı. Sənəd oktyabrın əvvəlində Türkiyə parlamentinə təsdiq üçün göndərilmişdi.
