QafqazNews Oxu.az-a istinadən xəbər verir ki, Misir Futbol Federasiyası Hossam Həsəni milli komandanın baş məşqçisi vəzifəsindən kənarlaşdırıb.
60 yaşlı mütəxəssislə birlikdə onun məşqçi və inzibati heyətində yer alan şəxslər də komandadan ayrılıblar. Federasiya bu qərarı son dövrdə yığmanın nüfuzuna və sabitliyinə mənfi təsir edən hadisələrlə izah edib. Hansı hadisənin bu addıma səbəb olduğu barədə məlumat verilməyib.
Həsən avqustda ailə qalmaqalı ilə gündəmə gəlib. Hoteldə onun iki həyat yoldaşı arasında yaranan mübahisə əlbəyaxa qarşıdurmaya çevrilib. Hadisəyə qohumlar və hotelin əməkdaşları da qarışıb. Özünü pis hiss edərək huşunu itirən baş məşqçi xəstəxanaya aparılıb.
Misir yığmasının yeni çalışdırıcısı 52 yaşlı Əli Maher olub. O, əvvəllər “Seramika Kleopatra” klubunun baş məşqçisi kimi fəaliyyət göstərib.
Həsən 2026-cı ilin sentyabrında milli komanda ilə müqaviləsini 2030-cu ilədək uzatmışdı. Onun rəhbərliyi altında Misir dünya çempionatında 92 illik fasilədən sonra ilk qələbəsini əldə edib. Yığma tarixində ilk dəfə pley-offa vəsiqə qazanaraq 1/8 finala yüksəlib, həmin mərhələdə Argentinaya 2:3 hesabı ilə uduzub.
Həsən Misir millisinə 38 matçda rəhbərlik edib. Komanda onun dövründə 21 qələbə qazanıb, 10 dəfə heç-heçə edib, 7 görüşdə isə məğlub olub.
