QafqazNews Bakupost.az-a istinadən xəbər verir ki, aparıcı Zaur Baxşəliyev verilişinin efirdə olmaması ilə bağlı izləyicilərinin suallarını cavablandırıb. O, sosial şəbəkədəki açıqlamasında ATV-də yeni mövsümün başlandığını, amma öz proqramının yayımlanmadığını bildirib.

“Zaurun verilişi yoxdur” sualının niyə yalnız ona ünvanlandığını soruşan aparıcı ATV-də hansı yeni proqramın efirə çıxdığını sorğulayıb. Baxşəliyev mövsümün sentyabrda başladığını, dekabrın yaxınlaşdığını, lakin kanalda yeni veriliş olmadığını deyib. Onun sözlərinə görə, ATV-də yalnız xəbərlər yayımlanır, digər efir vaxtında isə əvvəlki proqramlar göstərilir. Aparıcı yeni verilişlərin başlamasını gözlədiyini qeyd edib.

Zaur Baxşəliyev daha əvvəl ATV-də yayımlanan “Bizimləsən” proqramına aparıcılıq edib. Verilişin yayımı ötən mövsüm dayandırılıb.