QafqazNews Oxu.az-a istinadən xəbər verir ki, ABŞ Federal Təhqiqatlar Bürosu (FTB) oktyabrda “Binance” kriptovalyuta birjasından oğurlanan, dəyəri 1,2 milyard dolları (910 milyon funt sterlinq) aşan aktivləri müsadirə edib.
ABŞ hökuməti ilə özəl sektorun birgə səyləri nəticəsində oğurlanmış vəsaitlərin 2,7 milyard dollardan (2 milyard funt sterlinq) artıq hissəsi dondurulub.
Ədliyyə Nazirliyi noyabrın 12-də məhkəmədən 1,2 milyard dollardan çox məbləğə həbs qoymaq və ya həmin aktivlərə çıxışı məhdudlaşdırmaq üçün icazə aldığını bildirib.
ABŞ-də bu cür işlərdə hökumət, adətən, müsadirə ilə bağlı məhkəməyə müraciət edir. Sonradan məhkəmə geri qaytarılmış vəsaitlər üzərində qanuni hüququ olan tərəfi müəyyənləşdirir.
Oktyabrın 30-da yayılan ilkin məlumatlarda “Binance”ə hücumun Şimali Koreya hakerləri tərəfindən təşkil edildiyi qeyd olunub. Hücumun daha əvvəl “Bybit”ə qarşı kiberhücumda da iştirak etdiyi bildirilən Şimali Koreyanın “TraderTraitor” qruplaşması tərəfindən həyata keçirildiyi ehtimal edilir.
“Binance” daha sonra haker hücumu zamanı oğurlanmış aktivlərin 90 faizini bərpa edib.
