QafqazNews Baku.ws-a istinadən xəbər verir ki, 44 günlük Vətən müharibəsinin son günlərində, 2020-ci il noyabrın 7-də Bərdə rayonunun Yeni Əyricə kəndi raket hücumuna məruz qalıb. Həmin hadisədən altı il ötür.
Azərbaycan Xarici İşlər Nazirliyinin 8 noyabr 2020-ci il tarixli məlumatında hücum nəticəsində 16 yaşlı yeniyetmənin həyatını itirdiyi bildirilib. Müharibə dövründə Bərdə rayonu oktyabrın 5-də, 8-də, 27-də və 28-də, eləcə də noyabrın 7-də raket və ağır artilleriya atəşinə tutulub.
Azərbaycan Baş Prokurorluğunun məlumatına görə, hücumlar nəticəsində 29 mülki şəxs həlak olub, 112 nəfər yaralanıb. Ölənlər arasında qadınlar və uşaqlar da var.
Atəş nəticəsində rayonun yaşayış evləri, mülki infrastrukturu, nəqliyyat vasitələri və digər obyektlərə ciddi ziyan dəyib.
Noyabrın 7-də raket zərbəsi Bərdə şəhərinə deyil, rayonun Yeni Əyricə kəndinə endirilib. Oktyabrın 28-də isə Bərdə şəhərində 21 mülki şəxs həlak olub. Bu faciəli hadisələr müharibənin ən ağır səhifələrindən biri kimi yadda qalıb.
