QafqazNews Izvestia-a istinadən xəbər verir ki, ABŞ prezident administrasiyası İran əleyhinə hərbi zərbələrin bərpasının mümkün nəticələrini öyrənir və Ağ Ev Pentaqondan və kəşfiyyat orqanlarından hazırlanmış hər bir hücum ssenarisi üzrə risk qiymətləndirməsi tələb edib.
Xəbərdə qeyd olunur ki, Ağ Ev Pentaqon və kəşfiyyat ekspertlərindən İranda nəzərdə tutulan zərbə ssenarilərinə İranın necə reaksiya verə biləcəyinə dair qiymətləndirmələr istəyib.
Həmin variantlar İsrailin İranda kimyəvi silah sahəsində tədqiqat və inkişaf işlərini fəallaşdırdığı və müvafiq sınaqlar keçirdiyinə dair əldə etdiyini iddia etdiyi yeni kəşfiyyat məlumatlarını açıqlamasından sonra nəzərdən keçirilməyə başlayıb. ABŞ prezidenti Donald Trampa yeni kəşfiyyat məlumatları barədə məlumat verildiyi bildirilib.
Ağ Ev həmçinin Ərəbistan körfəzi ölkələrində neft-qaz obyektlərinə İran tərəfindən dağıdıcı əks-hücumların edilməsi riskinin necə minimuma endirilə biləcəyini araşdırır. Portalın məlumatına görə, Körfəz ölkələrinin liderləri dağıdıcı cavab zərbələrindən ehtiyat edərək Trampı bu yoldan çəkinməyə və əvəzinə Tehran üzərində iqtisadi təzyiqi davam etdirməyə inandırmağa çalışırlar.
Donald Tramp noyabrın 1-i İranın bir və ya iki obyektinə zərbə endirilməsinin mümkünlüyünü bəyan etmiş, potensial hədəf kimi isə Pikaqs dağının altındakı yeraltı nüvə obyektini — eyni zamanda Kirka dağı və Kolang-Gaz-La massivini göstərmişdi.
The New York Times qəzetinin 15 noyabr tarixli məlumatına görə, USS Theodore Roosevelt aviaoçaryeri Yaxın Şərqə istiqamətlənir. Məqalədə qeyd olunub ki, ABŞ və İsrail hərbiçiləri artıq zərbələrin bərpası planlarını hazırlayıblar və bu planların ehtimal ki, İranın enerji infrastrukturu və digər əhəmiyyətli obyektlərini hədəfə alacağı gözlənilir.