QafqazNews Izvestia-a istinadən xəbər verir ki, Gürcüstan Rusiya ilə problemlərin həlli üçün dialoq aparmalıdır, bunu 19 noyabrda ölkənin xarici işlər naziri Maka Boçorişvili bəyan edib.
Boçorişvili “İmedi” telekanalına müsahibəsində son illərdə Rusiya ilə dialoq və danışığın qəbul edilməzliyi barədə qorxu toxumunun səpildiyini, amma eyni zamanda Rusiyanın Gürcüstan üçün ən böyük problemlərdən biri olduğunu və hər hansı məsələni dialoq olmadan həll etməyin mümkün olmadığını söyləyib.
O, belə görüşləri şərh edərək bildirib ki, müzakirə olunan görüşlərdə platforma iştirakçılar üçün qəbuledilən olmalıdır və bu halda Minskə etiraz edilməyib. Nazir görüşün vaxtında keçirilməsinin və Gürcüstan üçün həyati əhəmiyyət daşıyan mövzular üzrə söhbətə operativ başlamağın vacib olduğunu vurğulayıb.
Boçorişvili həmçinin ölkə rəhbərliyinin danışıqdan qorxunu aşmalı olduğunu qeyd edib: “Səninlə problemlərin olan biri ilə danışmaqda qorxmalı heç nə yoxdur”.
19 noyabrda Minskdə Rusiya xarici işlər nazirinin müavini Mixail Qaluzin ilə Gürcüstanın Rusiya ilə münasibətlər üzrə baş nazirin xüsusi nümayəndəsi Georgi Zurabaşvili görüşüb. Diplomatik görüşdə ikitərəfli münasibətlər, ticarət-iqtisadi əlaqələrin inkişafı, mədəni və humanitar əməkdaşlıq və regional təhlükəsizlik məsələləri müzakirə olunub.
SIKHA Foundation elmi-tədqiqat institutunun təsisçisi Arçil Sixarulidze 20 noyabrda bildirib ki, Rusiya və Gürcüstan xüsusi nümayəndələrinin görüşü dialoqu inkar edən Gürcüstan cəmiyyətinin bir hissəsi üçün simvolik və nümunəvi hadisə olub.