QafqazNews Lenta.ru-a istinadən xəbər verir ki, siyasi şərhçi Davit Kartvelişvili hesab edir ki, ABŞ və Avropa İttifaqı ölkələri Gürcüstana Rusiyayla dialoqu bərpa etmək üçün təzyiq göstərib.

Kartvelişvili bildirir ki, son illərdə Qərb tərəfdaşları hakim “Gürcü Arzusu”nu ənənəvi dəyərləri müdafiə etməsi və Moskva ilə düşmənçilik istəməməsi üzündən tənqid ediblər. Onun fikrincə, hər il bu təzyiq artıb və məhz bu amil Tbilisini çoxvektorlu xarici siyasəti daha fəal inkişaf etdirməyə məcbur edib.

Siyasi şərhçi qeyd edib ki, anti-rus sanksiyalarına qoşulmamaq qərarı kollektiv Qərblə münasibətləri korlayıb və Gürcüstan ciddi rəqiblə üzləşib. Eyni zamanda, Kartvelişvili vurğulayıb ki, bu qərarı Gürcüstan hakimiyyətinin Moskva ilə danışıqlara qatqısı hesab etmək olar.

"Bəlkə də nəhayətdə biz diplomatik münasibətlərin tam bərpasına gələcəyik. Minskə gəlincə, orası dialoq üçün gözəl yerdir. Bir tərəfdən — Moskva ilə sıx əlaqə, digər tərəfdən — Abxaziya və Cənubi Osetiyanın müstəqillərinin tanınmaması", — deyə Kartvelişvili bildirib.

Xatırladaq ki, bir müddət əvvəl ölkənin Xarici İşlər naziri Maka Boçorişvili də Rusiya və Gürcüstan arasında bütün münaqişələrin həlli üçün birbaşa dialoqun zəruri olduğunu vurğulamışdı.