QafqazNews Kommersant-a istinadən xəbər verir ki, Türkiyə Prezidenti Rəcəb Tayyib Ərdoğan Ukraynadakı münaqişənin həlli barədə Rusiya lideri Vladimir Putinlə danışıqlar aparmaq niyyətində olduğunu bildirib.
Ərdoğan bu açıqlamanı Cənubi Koreyadan geri qayıdan zaman təyyarədə jurnalistlərə verib; məlumatı Reuters yayıb. Prezident qeyd edib ki, 31 oktyabrda İstanbula səfəri zamanı o, Ukrayna Prezidenti Vladimir Zelenski ilə görüşüb və danışıqların mövzularından biri Qara dənizdə gəmiçilik təhlükəsizliyi olub.
"Biz həmçinin cənab Putinlə görüşüb rus tərəfinin mövqeyini müzakirə etmək istəyirik", — deyə Ərdoğan bildirib. O əlavə edib ki, Türkiyənin xarici işlər naziri Hakan Fidan və digər rəsmilər Rusiya və Ukrayna ilə potensial nümayəndə heyətlərinin görüşünü müzakirə edirlər.
Rusiya Prezidenti sözçüsü Dmitriy Peskov isə brifinqdə Vladimir Putinlə Rəcəb Tayyib Ərdoğan arasında konkret təmas planlarının hələ olmadığını açıqlayıb. Peskov əlavə edib ki, belə bir ehtiyac yaranarsa, əlaqələrin kifayət qədər operativ şəkildə təşkil edilə biləcəyi istisna deyil.
