QafqazNews Yeniavaz.com-a istinadən xəbər verir ki, “Real Madrid”in baş məşqçisi Joze Mourinyo İspaniya çempionatında oktyabr ayının ən yaxşı məşqçisi elan olunub.
Bu barədə turnirin mətbuat xidməti məlumat yayıb. Bildirilib ki, Mourinyonun rəhbərlik etdiyi komanda ötən ay çempionatda keçirdiyi üç qarşılaşmanın hamısından qələbə ilə ayrılıb.
12 turdan sonra “Real Madrid” 30 xalla turnir cədvəlinin ikinci pilləsindədir. Lider “Barselona”nın hesabında 33 xal var.
63 yaşlı portuqaliyalı mütəxəssis 2010-2013-cü illərdə də Madrid klubuna rəhbərlik edib. O, 2026-cı ilin iyulunda yenidən komandanın baş məşqçisi postuna qayıdıb.
Mourinyonun rəhbərliyi dövründə “Real Madrid” İspaniya çempionluğunu, ölkə kubokunu və Superkuboku hərəsini bir dəfə qazanıb.
