QafqazNews Yenisabah.az-a istinadən xəbər verir ki, 2026-cı ilin yanvar-sentyabr aylarında dövlət büdcəsinin ümumi xərcləri 25 milyard 348,2 milyon manat olub. Bu barədə Maliyyə Nazirliyinin büdcənin icrasına dair rəsmi məlumatında bildirilir.
Xərclərin 16 milyard 613,7 milyon manatı cari xərclərin payına düşüb. Bu, ümumi məbləğin 65,5 faizidir. Həmin istiqamət dövlət orqanlarının saxlanması, sosial müavinətlər və cari əməliyyat xərclərini əhatə edir.
Əsaslı xərclərə, yəni kapital qoyuluşlarına 7 milyard 284,7 milyon manat ayrılıb. Büdcə xərclərinin 28,7 faizinə bərabər olan bu vəsait əsasən infrastruktur layihələri və dövlət investisiya proqramları üçün nəzərdə tutulub.
Dövlət borcuna xidmətə isə 1 milyard 449,8 milyon manat sərf edilib. Bu məbləğ ümumi büdcə xərclərinin 5,7 faizini təşkil edib.
