QafqazNews Demokrat.az-a istinadən xəbər verir ki, Sertab Erenerin “Kendine Aşık” mahnısına çəkdirdiyi yeni klipdəki rəqqasın kimliyi sosial şəbəkələrdə müzakirə mövzusuna çevrilib. Diqqət əsasən alt paltarında rəqs edən şəxsin kim olması üzərində cəmlənib.
Türkiyə mediasında yayılan iddiaya görə, müğənnini klipdə müşayiət edən rəqqas əvvəllər “Fənərbağça” futbol akademiyasında yetişmiş Eren Özgürdür. “Gossip Magazin” hesabının paylaşımından sonra bu məlumat sosial şəbəkələrdə geniş müzakirə olunub.
İddialarda bildirilir ki, Eren Özgür futbolçu karyerasını bitirdikdən sonra rəqslə məşğul olmağa başlayıb. Bununla belə, onun “Fənərbağça” akademiyasının yetirməsi olduğu və hazırda rəqqas kimi çalışdığı barədə məlumatı təsdiqləyən müstəqil mənbə yoxdur.
Klipin “YouTube”dakı rəsmi məlumatlarında isə rəqqas kimi Batur Büklünün adı yer alıb. Stuttgartda balet təhsili alan Büklü İstanbul Dövlət Opera və Baletində də çıxış edib. Ekran işinin hərəkət quruluşuna Ekin Bernay rəhbərlik edib.
Oktyabrın 28-də yayımlanan “Kendine Aşık” mahnısı Erenerin 2027-ci ildə təqdim edilməsi gözlənilən yeni albomundan ilk təqdimatdır. Klipi Aytekin Yalçın çəkib. Eren Özgür barədə səslənən iddianı müğənni və ya klipin yaradıcı heyəti indiyədək təsdiqləməyib.
